Graft in Court in unacceptable- SC : ಕೋರ್ಟು ಸಿಬ್ಬಂದಿ ಹಣಕ್ಕೆ ಒತ್ತಾಯಿಸುವುದು ಸಹಿಸಲಾಗುವುದಿಲ್ಲ-- ಸುಪ್ರೀಂಕೋರ್ಟ್
ಕೋರ್ಟು ಸಿಬ್ಬಂದಿ ಹಣಕ್ಕೆ ಒತ್ತಾಯಿಸುವುದು ಸಹಿಸಲಾಗುವುದಿಲ್ಲ-- ಸುಪ್ರೀಂಕೋರ್ಟ್
ನ್ಯಾಯಾಲಯಗಳಲ್ಲಿ ಕೆಲಸ ಮಾಡುವಾಗ ಕೋರ್ಟು ಸಿಬ್ಬಂದಿ ಹಣಕ್ಕೆ ಒತ್ತಾಯಿಸುವುದು ಸಹಿಸಲಾಗುವುದಿಲ್ಲ ಮತ್ತು ಇದು "ಸ್ವೀಕಾರಾರ್ಹವಲ್ಲ" ಎಂದು ಸುಪ್ರೀಂ ಕೋರ್ಟ್ ಹೇಳಿದೆ. ನ್ಯಾಯಾಧೀಶರು ಸಹಿತ ನ್ಯಾಯದೇಗುದಲ್ಲಿ ಕೆಲಸ ಮಾಡುವವರಿಗೂ ಅತ್ಯಂತ ಉನ್ನತ ಹಾಗೂ ಕಠಿಣ ಮಾನದಂಡಗಳು ಅನ್ವಯಿಸುತ್ತವೆ.
ಪ್ರಕರಣವೊಂದರಲ್ಲಿ ಆರೋಪಿಗಳನ್ನು ಖುಲಾಸೆಗೊಳಿಸಲು ನ್ಯಾಯಾಲಯದ ಸಿಬ್ಬಂದಿ 50,000 ರೂ.ಗೆ ಬೇಡಿಕೆಯಿಟ್ಟ ಪ್ರಕರಣ ಬಿಹಾರದಲ್ಲಿ ನಡೆದಿತ್ತು. ಈ ಆರೋಪಕ್ಕೆ ಒಳಗಾದ ಆರೋಪಿಯನ್ನು ಬಿಹಾರದ ಜಿಲ್ಲಾ ನ್ಯಾಯಾಲಯದಿಂದ ಸೇವೆಯಿಂದ ವಜಾಗೊಳಿಸಲಾಗಿತ್ತು. ವಜಾಗೊಂಡಿರುವ ಆರೋಪಿ ಮತ್ತೊಂದು ಉದ್ಯೋಗದ ಸಾಧ್ಯತೆಯನ್ನು ಅನ್ವೇಷಿಸಬಹುದು ಮತ್ತು ನೀಡಲಾದ ಶಿಕ್ಷೆಯನ್ನು ಮಾರ್ಪಡಿಸುವ ಬಗ್ಗೆ ಸುಪ್ರೀಂ ಕೋರ್ಟ್ ವಿಚಾರಣೆ ನಡೆಸಿತು.
ಈ ಕುರಿತ ಮೇಲ್ಮನವಿಯನ್ನು ವಿಚಾರಣೆಗೆ ಎತ್ತಿಕೊಂಡ ನ್ಯಾಯಮೂರ್ತಿಗಳಾದ ಎ ಎಂ ಖಾನ್ವಿಲ್ಕರ್ ಮತ್ತು ಸಿ ಟಿ ರವಿಕುಮಾರ್ ಅವರಿದ್ದ ಪೀಠವು ಈ ಮಹತ್ವದ ತೀರ್ಪು ನೀಡಿದೆ.
ಮೇಲ್ಮನವಿದಾರರ ಪರ ವಾದ ಮಂಡಿಸಿದ ವಕೀಲರು, ಆರೋಪಿಯು ಕಳೆದ 24 ವರ್ಷಗಳಿಂದ ನಿಷ್ಕಳಂಕ ಸೇವೆಯನ್ನು ಮಾಡಿದ್ದಾರೆ ಮತ್ತು ಇದು ಅವರ ವಿರುದ್ಧದ ಮೊದಲ ಆರೋಪವಾಗಿದೆ ಎಂದು ಹೇಳಿದರು.
'-ನೀವು- (ಅರ್ಜಿದಾರರು) ನ್ಯಾಯಾಲಯದಲ್ಲಿ ಕೆಲಸ ಮಾಡುತ್ತಿದ್ದೀರಿ.... ಮತ್ತು ಹಣಕ್ಕಾಗಿ ಬೇಡಿಕೆಯಿಡುತ್ತಿದ್ದೀರಿ...' ಎಂದು ಪೀಠವು ಗಮನಿಸಿತು, ಮೇಲ್ಮನವಿದಾರನು ತಪ್ಪನ್ನು ಒಪ್ಪಿಕೊಂಡಿದ್ದಾನೆ ಎಂಬುದನ್ನು ಗಮನಿಸಿತು.
ಏಕ ನ್ಯಾಯಾಧೀಶ ಪೀಠದ ತೀರ್ಪಿನ ವಿರುದ್ಧದ ಅರ್ಜಿಯನ್ನು ವಜಾಗೊಳಿಸಿದ ಪಾಟ್ನಾ ಹೈಕೋರ್ಟ್‌ನ ವಿಭಾಗೀಯ ಪೀಠದ ಜನವರಿ 2020 ರ ಆದೇಶದ ವಿರುದ್ಧ ವ್ಯಕ್ತಿ ಸಲ್ಲಿಸಿದ ಮನವಿಯನ್ನು ಸುಪ್ರೀಂ ಕೋರ್ಟ್ ವಿಚಾರಣೆ ನಡೆಸಿತು.
ಈ ಹಿಂದೆ ಔರಂಗಾಬಾದ್‌ನ ನ್ಯಾಯಾಲಯ ವಿಧಿಸಲಾದ ಶಿಕ್ಷೆಯಲ್ಲಿ ಮಧ್ಯಪ್ರವೇಶಿಸಲು ಏಕ ನ್ಯಾಯಾಧೀಶರು ಜನವರಿ 2018 ರಲ್ಲಿ ನಿರಾಕರಿಸಿದ್ದರು.