Hit and Run Accident relief raised- ಅಪಘಾತ ಪ್ರಕರಣ: ಎಪ್ರಿಲ್ 1ರಿಂದ ಪರಿಹಾರ ಮೊತ್ತ ಗಣನೀಯ ಏರಿಕೆ
Sunday, February 27, 2022
ಅಪಘಾತ ಪ್ರಕರಣ: ಎಪ್ರಿಲ್ 1ರಿಂದ ಪರಿಹಾರ ಮೊತ್ತ ಗಣನೀಯ ಏರಿಕೆ
ಹಿಟ್-ಅಂಡ್-ರನ್ ಅಪಘಾತ ಪ್ರಕರಣದಲ್ಲಿ ಮೃತಪಟ್ಟವರಿಗೆ ನೀಡಲಾಗುವ ಪರಿಹಾರದ ಹಣವನ್ನು ಗಣನೀಯವಾಗಿ ಹೆಚ್ಚಳ ಮಾಡಲಾಗಿದೆ.
ಈ ಬಗ್ಗೆ ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ ಅಧಿಸೂಚನೆ ಹೊರಡಿಸಿದ್ದು, ಏಪ್ರಿಲ್ ಒಂದರಿಂದ ಈ ಅಧಿಸೂಚನೆ ಜಾರಿಗೆ ಬರಲಿದೆ.
ಹಿಟ್-ಅಂಡ್-ರನ್ ಅಪಘಾತ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪರಿಹಾರದ ಮೊತ್ತವನ್ನು ಸುಮಾರು ಎಂಟು ಪಟ್ಟು ಹೆಚ್ಚಳ ಮಾಡಲಾಗಿದೆ. ಅಂದರೆ ಅಪಘಾತ ಪ್ರಕರಣದಲ್ಲಿ ಪಟ್ಟವರಿಗೆ ಇನ್ನು ಪರಿಹಾರ ರೂ. 2 ಲಕ್ಷ ಸಿಗಲಿದೆ .
ಅಧಿಸೂಚನೆಯಲ್ಲಿ ಅಪಘಾತ ಪ್ರಕರಣದಲ್ಲಿ ಗಾಯಗೊಂಡ ಸಂತ್ರಸ್ತರಿಗೆ ಸಿಗುವ ಪರಿಹಾರದ ಮೊತ್ತವನ್ನು ಏರಿಸಲಾಗಿದೆ. ಪರಿಹಾರದ ಮೊತ್ತವನ್ನು ಹಾಲಿ ಇರುವ 12,500 ರೂ ಗಳಿಂದ 50 ಸಾವಿರ ರೂ ಗಳಿಗೆ ಏರಿಸಲಾಗಿದೆ.
ಕೇಂದ್ರ ಸರ್ಕಾರದ ಈ ಅಧಿಸೂಚನೆಯು ಏಪ್ರಿಲ್ 1, 2022ರಿಂದ ಜಾರಿಗೆ ಬರಲಿದೆ.