ಸತತ 4 ದಿನ ಕೋರ್ಟ್‌ಗೆ ರಜೆ: ರಾಜ್ಯಾದ್ಯಂತ ನ್ಯಾಯಾಂಗ ಸೇವೆ ಸ್ಥಗಿತ, ವಕೀಲರಿಗೆ ವೀಕೆಂಡ್ ಮಜಾ

ಸತತ 4 ದಿನ ಕೋರ್ಟ್‌ಗೆ ರಜೆ: ರಾಜ್ಯಾದ್ಯಂತ ನ್ಯಾಯಾಂಗ ಸೇವೆ ಸ್ಥಗಿತ, ವಕೀಲರಿಗೆ ವೀಕೆಂಡ್ ಮಜಾ

ಸತತ ನಾಲ್ಕು ದಿನಗಳ ಕಾಲ ರಾಜ್ಯದ ಎಲ್ಲ ನ್ಯಾಯಾಲಯಗಳಿಗೆ ರಜೆ ಘೋಷಿಸಲಾಗಿದೆ. ಬುಧವಾರ ಈ ವಾರದ ಕೊನೆಯ ಕರ್ತವ್ಯದ ದಿನವಾಗಲಿದೆ.

ಈ ಹಿನ್ನೆಲೆಯಲ್ಲಿ ರಾಜ್ಯದ ಎಲ್ಲ ವಕೀಲರು, ನ್ಯಾಯಾಂಗ ಅಧಿಕಾರಿಗಳು, ನೌಕರರು ವೀಕೆಂಡ್ ರಜೆಯ ಮಜಾವನ್ನು ಅನುಭವಿಸಬಹುದು.

11-04-2024ರಂದು ಗುರುವಾರ ರಂಜಾನ್ ಪ್ರಯುಕ್ತ ರಾಜ್ಯದ ಎಲ್ಲ ನ್ಯಾಯಾಲಯಗಳು ಕಾರ್ಯನಿರ್ವಹಿಸುವುದಿಲ್ಲ. ಆ ದಿನ ಕೋರ್ಟ್‌ ಕಲಾಪಗಳು ನಡೆಯುವುದಿಲ್ಲ.

ಶುಕ್ರವಾರ 12-04-2024ರಂದು ನ್ಯಾಯಾಂಗ ಇಲಾಖೆ ಈಗಾಗಲೇ ರಜೆ ಘೋಷಣೆ ಮಾಡಿರುವುದರಿಂದ ಆ ದಿನವೂ ರಾಜ್ಯದ ಯಾವುದೇ ಕೋರ್ಟ್‌ ಕಲಾಪಗಳು ನಡೆಯುವುದಿಲ್ಲ.

13-04-2024ರಂದು ಶನಿವಾರ ಎರಡನೇ ಶನಿವಾರದ ಪ್ರಯುಕ್ತ ಸರ್ಕಾರಿ ಕಚೇರಿಗಳ ಸಹಿತ ಎಲ್ಲ ನ್ಯಾಯಾಲಯಗಳಿಗೂ ರಜೆ ಇರಲಿದೆ.

ಇದರಿಂದ ಸತತ ನಾಲ್ಕು ದಿನಗಳ ಕಾಲ ವಕೀಲರು ಮತ್ತು ನ್ಯಾಯಾಂಗ ಇಲಾಖೆಯ ಅಧಿಕಾರಿಗಳು ನೌಕರರಿಗೆ ರಜೆಯ ಮಜಾ ದೊರೆಯಲಿದೆ.