RTI Act: ಪತಿಯ ವೇತನ ವಿವರ "ವೈಯಕ್ತಿಕ"- ಪತ್ನಿಯ ಅರ್ಜಿ ತಿರಸ್ಕರಿಸಿದ ಕ್ರಮಕ್ಕೆ ಹೈಕೋರ್ಟ್ ಸಮರ್ಥನೆ

RTI Act: ಪತಿಯ ವೇತನ ವಿವರ "ವೈಯಕ್ತಿಕ"- ಪತ್ನಿಯ ಅರ್ಜಿ ತಿರಸ್ಕರಿಸಿದ ಕ್ರಮಕ್ಕೆ ಹೈಕೋರ್ಟ್ ಸಮರ್ಥನೆ

ಪತಿಯ ವೇತನ ವಿವರಗಳು ‘ವೈಯಕ್ತಿಕ ಮಾಹಿತಿ’ ಎಂಬುದಾಗಿ ಪರಿಗಣಿಸಿ ಪತ್ನಿಯ RTI ಅರ್ಜಿಯನ್ನು ತಿರಸ್ಕರಿಸಿದ ರಾಜ್ಯ ಮಾಹಿತಿ ಆಯೋಗದ ಕ್ರಮವನ್ನು ರಾಜಸ್ಥಾನ ಹೈಕೋರ್ಟ್ ಸಮರ್ಥಿಸಿದೆ.

ಪತಿಯು ಕೆಲಸ ಮಾಡುತ್ತಿದ್ದ ಇಲಾಖೆಯಲ್ಲಿ ಆತನಿಗೆ ಪಾವತಿಸಲಾದ ವೇತನದ ವಿವರಗಳನ್ನು ಕೇಳಿದ ಪತ್ನಿಯ RTI ಅರ್ಜಿಯನ್ನು ತಿರಸ್ಕರಿಸಿದ ರಾಜ್ಯದ ಆದೇಶವನ್ನು ರಾಜಸ್ಥಾನ ಹೈಕೋರ್ಟ್ ಸಮರ್ಥಿಸಿದೆ.

ಸಂಸ್ಥೆಯಲ್ಲಿರುವ ಉದ್ಯೋಗಿ ಅಥವಾ ಅಧಿಕಾರಿಯ ಕಾರ್ಯನಿರ್ವಹಣೆಗೆ ಸಂಬಂಧಿಸಿದ ಮಾಹಿತಿ “ವೈಯಕ್ತಿಕ ಮಾಹಿತಿ” ವ್ಯಾಪ್ತಿಗೆ ಬರುತ್ತದೆ ಎಂದು ನ್ಯಾಯಾಲಯ ಅಭಿಪ್ರಾಯಪಟ್ಟಿತು.

ಅರ್ಜಿದಾರರು ನಿರ್ದಿಷ್ಟ ಅವಧಿಗೆ ತನ್ನ ಪತಿಗೆ ಪಾವತಿಸಲಾದ ವೇತನದ ಪೇಸ್ಲಿಪ್/ವಿವರಗಳ ಪ್ರತಿಗಳನ್ನು ಪಡೆಯಲು ಸಂಬಂಧಿತ ಇಲಾಖೆಗೆ RTI ಅರ್ಜಿ ಸಲ್ಲಿಸಿದ್ದರು.

ರಾಜ್ಯವು, ಕೇಳಲಾದ ಮಾಹಿತಿ ವೈಯಕ್ತಿಕ ಸ್ವಭಾವದ್ದಾಗಿದ್ದು ತೃತೀಯ ವ್ಯಕ್ತಿಗೆ ಸಂಬಂಧಿಸಿದ್ದು, RTI ಅರ್ಜಿಯಿಂದ ವಿನಾಯಿತಿ ಹೊಂದಿದೆ ಎಂಬ ಕಾರಣದಿಂದ ಆ ಅರ್ಜಿಯನ್ನು ತಿರಸ್ಕರಿಸಿತು. ಇದರಿಂದಾಗಿ ಈ ಅರ್ಜಿ ಸಲ್ಲಿಸಲಾಯಿತು.

ವಾದಗಳನ್ನು ಆಲಿಸಿದ ನಂತರ ನ್ಯಾಯಮೂರ್ತಿ ಕುಲದೀಪ್ ಮಾಥುರ್ ಅವರ ಪೀಠವು, ತೃತೀಯ ವ್ಯಕ್ತಿಗೆ ಸಂಬಂಧಿಸಿದ ಮಾಹಿತಿಯನ್ನು ಅರ್ಜಿದಾರರಿಗೆ ನೀಡಲು ನಿರಾಕರಿಸಿದ ರಾಜ್ಯದ ಆದೇಶದಲ್ಲಿ ಯಾವುದೇ ಅಕ್ರಮವಿಲ್ಲ ಎಂದು ತೀರ್ಮಾನಿಸಿತು.

ನ್ಯಾಯಾಲಯವು ಸುಪ್ರೀಂ ಕೋರ್ಟ್‌ನ Girish Ramchandra Deshpande v. Central Information Commissioner & Others. ಪ್ರಕರಣವನ್ನು ಉಲ್ಲೇಖಿಸಿ, ಇಂತಹ ಮಾಹಿತಿ ಮುಖ್ಯವಾಗಿ ಉದ್ಯೋಗದಾತ ಮತ್ತು ಉದ್ಯೋಗಿಯ ನಡುವಿನ ವಿಷಯವಾಗಿದ್ದು, ಅದು ಸೇವಾ ನಿಯಮಗಳಿಂದ ನಿಯಂತ್ರಿತವಾಗಿರುತ್ತದೆ ಎಂದು ದೃಢಪಡಿಸಿತು.

ಯಾವುದೇ ಮೇಲ್ಮಟ್ಟದ ಸಾರ್ವಜನಿಕ ಹಿತಾಸಕ್ತಿ ಇಲ್ಲದ ಸಂದರ್ಭದಲ್ಲಿ ಇಂತಹ ಮಾಹಿತಿಯನ್ನು ಬಹಿರಂಗಪಡಿಸುವುದು ಯಾವುದೇ ಸಾರ್ವಜನಿಕ ಚಟುವಟಿಕೆ ಅಥವಾ ಸಾರ್ವಜನಿಕ ಹಿತಾಸಕ್ತಿಗೆ ಸಂಬಂಧಿಸಿದುದಲ್ಲ ಎಂದು ನ್ಯಾಯಾಲಯ ಹೇಳಿತು.

ಅದರಂತೆ ಅರ್ಜಿಯನ್ನು ತಿರಸ್ಕರಿಸಲಾಯಿತು.

ಪ್ರಕರಣ ಶೀರ್ಷಿಕೆ: ಕಾಂತ ಕುಮಾವತ್ ವಿರುದ್ಧ ರಾಜಸ್ತಾನ ರಾಜ್ಯ ಮತ್ತಿತರರು

ರಾಜಸ್ತಾನ ಹೈಕೋರ್ಟ್‌