ನಕಲಿ ತೀರ್ಪುಗಳ ಸೃಷ್ಟಿ; ವಕೀಲರ ವೃತ್ತಿಪರ ದುರ್ನಡತೆ: ನಕಲಿ ನಿದರ್ಶನ ಆಧಾರದ ತೀರ್ಪುಗಳು ಅಮಾನ್ಯ- ಸುಪ್ರೀಂ ಕೋರ್ಟ್‌

ನಕಲಿ ತೀರ್ಪುಗಳ ಸೃಷ್ಟಿ; ವಕೀಲರ ವೃತ್ತಿಪರ ದುರ್ನಡತೆ: ನಕಲಿ ನಿದರ್ಶನ ಆಧಾರದ ತೀರ್ಪುಗಳು ಅಮಾನ್ಯ- ಸುಪ್ರೀಂ ಕೋರ್ಟ್‌

ಕೃತಕ ಬುದ್ಧಿಮತ್ತೆ ಎಐ (AI) ಮೂಲಕ ಸೃಷ್ಟಿಸಲಾದ ನಕಲಿ ಅಥವಾ ಅಸ್ತಿತ್ವದಲ್ಲಿ ಇಲ್ಲದ ನ್ಯಾಯನಿದರ್ಶನಗಳನ್ನು ಉಲ್ಲೇಖಿಸುವುದು ವಕೀಲರ ವೃತ್ತಿಪರ ದುರಾಚರಣೆ; ಅಂತಹ ನಕಲಿ ನಿದರ್ಶನಗಳ ಆಧಾರದ ಮೇಲೆ ನೀಡಲಾದ ತೀರ್ಪುಗಳು ಕಾನೂನಿನ ದೃಷ್ಟಿಯಲ್ಲಿ ಅಮಾನ್ಯ — ಸುಪ್ರೀಂ ಕೋರ್ಟ್*

ಎಐ (Artificial Intelligence) ಮೂಲಕ ಸೃಷ್ಟಿಸಲಾದ ನಕಲಿ ಅಥವಾ ಭ್ರಮಾತ್ಮಕ (Hallucinated) ನ್ಯಾಯನಿದರ್ಶನಗಳ ಉತ್ಪಾದನೆ, ಉಲ್ಲೇಖ ಅಥವಾ ಬಳಕೆಯ ವಿರುದ್ಧ ನ್ಯಾಯಾಲಯಗಳು "ಶೂನ್ಯ ಸಹಿಷ್ಣುತೆ" (Zero Tolerance) ನೀತಿಯನ್ನು ಅನುಸರಿಸಬೇಕು ಎಂದು ಸುಪ್ರೀಂ ಕೋರ್ಟ್ ಸ್ಪಷ್ಟಪಡಿಸಿದೆ.

ಯಾವುದೇ ತೀರ್ಪನ್ನು ಪರಿಶೀಲಿಸದೇ ಅಥವಾ ಅದರ ಸತ್ಯಾಸತ್ಯತೆಯನ್ನು ದೃಢಪಡಿಸದೇ ವಕೀಲರು ಅದನ್ನು ನ್ಯಾಯಾಲಯದ ಮುಂದೆ ಉಲ್ಲೇಖಿಸುವುದು ವೃತ್ತಿಪರ ದುರಾಚರಣೆಯಾಗಿದ್ದು, ಅಂತಹ ಅಸ್ತಿತ್ವದಲ್ಲೇ ಇಲ್ಲದ ಅಥವಾ ನಕಲಿ ನ್ಯಾಯನಿದರ್ಶನಗಳನ್ನು ಆಧರಿಸಿ ನ್ಯಾಯಾಧೀಶರು ತೀರ್ಪು ನೀಡುವುದು ಗಂಭೀರ ಲೋಪವಾಗಿದೆ ಎಂದು ನ್ಯಾಯಾಲಯ ಎಚ್ಚರಿಸಿದೆ.

ಅಂತಹ ನಕಲಿ ಅಥವಾ ಭ್ರಮಾತ್ಮಕ ನ್ಯಾಯನಿದರ್ಶನಗಳ ಆಧಾರದ ಮೇಲೆ ನೀಡಲಾದ ತೀರ್ಪುಗಳು "ಕಾನೂನಿನ ದೃಷ್ಟಿಯಲ್ಲಿ ತೀರ್ಪುಗಳೇ ಅಲ್ಲ" ಎಂದು ಸುಪ್ರೀಂ ಕೋರ್ಟ್ ಘೋಷಿಸಿದ್ದು, ಅವುಗಳನ್ನು ರದ್ದುಪಡಿಸಲೇಬೇಕು ಎಂದು ತಿಳಿಸಿದೆ.

ಹಾಗೂ ಅವರನ್ನೊಳಗೊಂಡ ಪೀಠವು, ಎಐ ಸೃಷ್ಟಿಸಿದ ನಕಲಿ ಉಲ್ಲೇಖಗಳನ್ನು ಅವಲಂಬಿಸಿದ್ದ ಕಾರಣದಿಂದ ಮತ್ತು ನೀಡಿದ್ದ ಆದೇಶಗಳನ್ನು ರದ್ದುಗೊಳಿಸಿತು.

ನ್ಯಾಯಾಲಯವು ಹೀಗೆ ಹೇಳಿದೆ:

"ಪರಿಶೀಲನೆ ಇಲ್ಲದೆ ಎಐ ಸೃಷ್ಟಿಸಿದ ನ್ಯಾಯನಿದರ್ಶನಗಳನ್ನು ಸೃಷ್ಟಿಸುವುದು, ಉಲ್ಲೇಖಿಸುವುದು ಅಥವಾ ಬಳಸುವುದರ ವಿರುದ್ಧ ನ್ಯಾಯಾಲಯಗಳು ಶೂನ್ಯ ಸಹಿಷ್ಣುತೆಯ ಧೋರಣೆಯನ್ನು ಅಳವಡಿಸಿಕೊಳ್ಳಬೇಕು. ಪರಿಶೀಲನೆ ಇಲ್ಲದೆ ಅಂತಹ ತೀರ್ಪುಗಳನ್ನು ಉಲ್ಲೇಖಿಸುವುದು ವಕೀಲರ ದುರಾಚರಣೆ. ಅದೇ ರೀತಿ, ನ್ಯಾಯಾಧೀಶರು ಅಂತಹ ನಕಲಿ ಅಥವಾ ಭ್ರಮಾತ್ಮಕ ಮಾಹಿತಿಯನ್ನು ನಿದರ್ಶನವಾಗಿ ಅವಲಂಬಿಸುವುದು ಗಂಭೀರ ಲೋಪವಾಗಿದೆ. ನಿರ್ಧಾರ ಕೈಗೊಳ್ಳುವ ಪ್ರಕ್ರಿಯೆಯಲ್ಲಿ ನಕಲಿ ಅಥವಾ ಭ್ರಮಾತ್ಮಕ ಮಾಹಿತಿಯ ಅಣುಮಾತ್ರವೂ ಪ್ರವೇಶಿಸಿದರೂ ಅಂತಹ ತೀರ್ಪುಗಳು ಕಾನೂನಿನ ದೃಷ್ಟಿಯಲ್ಲಿ ತೀರ್ಪುಗಳಾಗುವುದಿಲ್ಲ ಮತ್ತು ಅವುಗಳನ್ನು ರದ್ದುಪಡಿಸಲೇಬೇಕು. ನ್ಯಾಯನಿರ್ಣಯ ಪ್ರಕ್ರಿಯೆಯ ಪಾವಿತ್ರ್ಯವನ್ನು ಕಾಪಾಡುವುದು ಅತ್ಯಗತ್ಯವಾಗಿದೆ"

ನ್ಯಾಯಾಲಯವು ವಕೀಲರ ಸಂಘಟನೆಗಳು ಹಾಗೂ ನ್ಯಾಯಾಂಗ ಎರಡೂ ಈ ವಿಷಯದಲ್ಲಿ ಅತ್ಯಂತ ಎಚ್ಚರಿಕೆಯಿಂದ ವರ್ತಿಸಬೇಕೆಂದು ಒತ್ತಿಹೇಳಿದ್ದು, ನಕಲಿ ಅಥವಾ ಭ್ರಮಾತ್ಮಕ ಮಾಹಿತಿಯನ್ನು ನ್ಯಾಯನಿದರ್ಶನಗಳಂತೆ ಉಲ್ಲೇಖಿಸುವುದು, ಅವಲಂಬಿಸುವುದು ಅಥವಾ ಬಳಸುವುದಕ್ಕೆ ಸಂಪೂರ್ಣ ವಿರೋಧ ವ್ಯಕ್ತಪಡಿಸಿದೆ.

ಇದೇ ವೇಳೆ, ಈ ತೀರ್ಪು ಎಐ ತಂತ್ರಜ್ಞಾನದ ನ್ಯಾಯಸಮ್ಮತ ಹಾಗೂ ಸಮಂಜಸ ಬಳಕೆಯನ್ನು ವಿರೋಧಿಸುವುದಲ್ಲ; ಆದರೆ ಎಐ ಮೂಲಕ ಸೃಷ್ಟಿಸಲಾದ ನಕಲಿ ಅಥವಾ ಅಸ್ತಿತ್ವದಲ್ಲಿಲ್ಲದ ಮಾಹಿತಿಯನ್ನು ನಿಜವಾದ ನ್ಯಾಯನಿದರ್ಶನಗಳಂತೆ ಪ್ರದರ್ಶಿಸುವುದು ಅಥವಾ ಅವಲಂಬಿಸುವುದರ ವಿರುದ್ಧ ಮಾತ್ರವಾಗಿದೆ ಎಂದು ನ್ಯಾಯಾಲಯ ಸ್ಪಷ್ಟಪಡಿಸಿದೆ.

ಈ ವಿಷಯವನ್ನು ಅತ್ಯಂತ ಗಂಭೀರವಾಗಿ ಪರಿಗಣಿಸಿ, ಇಂತಹ ಘಟನೆಗಳು ಮರುಕಳಿಸದಂತೆ ಮಾರ್ಗಸೂಚಿಗಳನ್ನು ರೂಪಿಸುವುದರ ಜೊತೆಗೆ ಉಲ್ಲಂಘನೆಗಳಿಗೆ ಶಿಸ್ತು ಕ್ರಮಗಳನ್ನು ನಿಗದಿಪಡಿಸಬೇಕೆಂದು ಸುಪ್ರೀಂ ಕೋರ್ಟ್ ಗೆ ನಿರ್ದೇಶನ ನೀಡಿದೆ.

ನ್ಯಾಯಾಲಯವು ಮತ್ತಷ್ಟು ಗಮನಿಸಿದಂತೆ, ಇಂದಿನ ನ್ಯಾಯಾಲಯಗಳು ಮತ್ತು ನ್ಯಾಯಮಂಡಳಿಗಳು ತಮ್ಮ ಮುಂದೆ ವಕೀಲರು ಉಲ್ಲೇಖಿಸುವ ನ್ಯಾಯನಿದರ್ಶನಗಳ ನೈಜತೆಯನ್ನು ಸಾಮಾನ್ಯವಾಗಿ ನಂಬುತ್ತವೆ. ಪ್ರತಿಯೊಂದು ತೀರ್ಪಿನ ಸತ್ಯಾಸತ್ಯತೆಯನ್ನು ನ್ಯಾಯಾಲಯವೇ ಪ್ರತ್ಯೇಕವಾಗಿ ಪರಿಶೀಲಿಸಬೇಕಾದ ಪರಿಸ್ಥಿತಿ ನಿರ್ಮಾಣವಾದರೆ ಅದು ನ್ಯಾಯಾಂಗದ ಕಾರ್ಯಕ್ಷಮತೆಗೆ ಗಂಭೀರ ಸವಾಲಾಗುತ್ತದೆ.

ಹೀಗಾಗಿ, ನಕಲಿ ಅಥವಾ ಭ್ರಮಾತ್ಮಕ ಮಾಹಿತಿಯನ್ನು ಆಧರಿಸಿ ನೀಡಲಾದ ಯಾವುದೇ ತೀರ್ಪು ಅಥವಾ ಆದೇಶವು ಕಾನೂನಿನ ಆಳ್ವಿಕೆಯನ್ನು ದುರ್ಬಲಗೊಳಿಸುವ ಕ್ರಮವಾಗಿದ್ದು, ಅದು ಕಾನೂನಿನ ದೃಷ್ಟಿಯಲ್ಲಿ ತೀರ್ಪೇ ಅಲ್ಲ ಎಂದು ಸುಪ್ರೀಂ ಕೋರ್ಟ್ ಪುನರುಚ್ಚರಿಸಿದೆ.

ಪ್ರಕರಣದ ಶೀರ್ಷಿಕೆ: ಪೂಜಾ ರಮೇಶ್ ಸಿಂಗ್ ವಿರುದ್ಧ ಜಮ್ಮು ಮತ್ತು ಕಾಶ್ಮೀರ ಬ್ಯಾಂಕ್ ಲಿ. ಮತ್ತೊಬ್ಬರು

ಸುಪ್ರೀಂ ಕೋರ್ಟ್‌