Man seeking Divorce after Wife Swapping- ಹೆಂಡತಿ ವಿನಿಮಯ(ವೈಫ್ ಸ್ವಾಪಿಂಗ್): ವಿಚ್ಛೇದನಕ್ಕಾಗಿ ನ್ಯಾಯಾಲಯದಲ್ಲಿ ಪತಿಯಿಂದ ಅರ್ಜಿ
ಹೆಂಡತಿ ವಿನಿಮಯ(ವೈಫ್ ಸ್ವಾಪಿಂಗ್): ವಿಚ್ಛೇದನಕ್ಕಾಗಿ ನ್ಯಾಯಾಲಯದಲ್ಲಿ ಪತಿಯಿಂದ ಅರ್ಜಿ
ಇತ್ತೀಚಿನ ದಿನಗಳಲ್ಲಿ ಕುತೂಹಲಕಾರಿ ಬೆಳವಣಿಗೆಯೊಂದಲ್ಲಿ ಎರಡು ದಂಪತಿಗಳ ನಡುವೆ ಪತ್ನಿ-ಬದಲಾವಣೆ ಪ್ರಕರಣದ ಪರಿಣಾಮ ಪತಿಯಿಂದ ಕ್ರಮೇಣ ದೂರವಾದ ಪತ್ನಿಯಿಂದ ವಿಚ್ಚೇದನ ಬಯಸಿ ಪತಿ ನ್ಯಾಯಾಲಯದ ಮೆಟ್ಟಿಲೇರಿದ್ದಾರೆ. ಲಕ್ನೋದ ಕೌಟುಂಬಿಕ ನ್ಯಾಯಾಲಯದಲ್ಲಿ ಈ ವಿಚಿತ್ರ ಕೇಸೊಂದು ದಾಖಲಾಗಿದೆ.
ರಾಜೇಶ್ ಮತ್ತು ದಿನೇಶ್ (ಕಾಲ್ಪನಿಕ ಹೆಸರುಗಳು) ಕಾಲೇಜಿನಲ್ಲಿ ಆತ್ಮೀಯ ಸ್ನೇಹಿತರಾಗಿದ್ದರು ಮತ್ತು ಅವರು ಮದುವೆಯಾದ ನಂತರ ಹೆಂಡತಿಯರನ್ನು ಬದಲಾಯಿಸಲು ಪ್ರಾರಂಭಿಸಿದರು. ಹಲವು ಬಾರಿ ಲೈಂಗಿಕ ಸಂಬಂಧದ ವಿನಿಮಯದ ಬಳಿಕ, ರಾಜೇಶ್‌ನ ಹೆಂಡತಿ ದಿನೇಶ್‌ನತ್ತ ಹೆಚ್ಚು ಆಕರ್ಷಿತಳಾದಳು. ಇದರಿಂದ ಕ್ರಮೇಣ ದಂಪತಿ ನಡುವಿನ ಪರಿಸ್ಥಿತಿಯೂ ಬದಲಾಯಿತು.
ಕ್ರಮೇಣ, ಪತ್ನಿ ತನ್ನಿಂದ ಅಂತರ ಹೆಚ್ಚಾಗಿರುವುದರಿಂದ ರಾಜೇಶ್ ಅಂತಿಮವಾಗಿ ತನ್ನ ಹೆಂಡತಿಯಿಂದ ವಿಚ್ಛೇದನ ಕೋರಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. 'ಪತ್ನಿಯ ಕ್ರೌರ್ಯ'ವೇ ವಿಚ್ಛೇದನಕ್ಕೆ ಕಾರಣ ಎಂದು ಆತನ ತನ್ನ ಅರ್ಜಿಯಲ್ಲಿ ಆರೋಪಿಸಿದ್ದಾರೆ. ನಾಲ್ವರು ವ್ಯಕ್ತಿಗಳ ನಡುವೆ ಪರಸ್ಪರ ಒಪ್ಪಿಗೆಯೊಂದಿಗೆ ಲೈಂಗಿಕ ಸಂಬಂಧ ವಿನಿಮಯ ಮಾಡಿಕೊಳ್ಳುವ ಪ್ರಕರಣ ಜಟಿಲವಾಗಿದ್ದು, ನ್ಯಾಯಾಂಗಕ್ಕೇ ಹೊಸದಾಗಿದೆ.
ಇಂತಹ ಪ್ರಕರಣಗಳು ತೀರಾ ಅಪರೂಪ. ಈ ಪ್ರಕರಣಗಳು ಬಂದಾಗ, ಇದು ಮೊದಲಿಗೆ ಹೆಂಡತಿಯನ್ನು ವಿನಿಮಯ ಮಾಡಿಕೊಳ್ಳುವ ಪ್ರಕರಣ ಎಂದು ಅನಿಸುವುದಿಲ್ಲ. ವಿಚಾರಣಾ ಹಂತದಲ್ಲಿ ಪ್ರಕರಣದ ನಿಜವಾದ ಕಾರಣ ಹೊರಹೊಮ್ಮುತ್ತದೆ.
ಇಂತಹ ವಿಚಾರದಲ್ಲಿ ಜನರು ವಿರಳವಾಗಿ ಸತ್ಯವನ್ನು ನುಡಿಯುತ್ತಾರೆ. ಮತ್ತು, ಇಂತಹ ಘಟನೆಗಳು ವ್ಯಕ್ತಿಯ ವ್ಯಕ್ತಿತ್ವವನ್ನು ಪ್ರತಿಬಿಂಬಿಸುತ್ತವೆ. ಗಂಡ ಮತ್ತು ಹೆಂಡತಿ ಇಬ್ಬರೂ ತಮ್ಮ ಗಂಡ ಮತ್ತು ಹೆಂಡತಿಯ ಕ್ರೂರ ನಡವಳಿಕೆಯನ್ನು ಗುರಾಣಿಯಾಗಿ ಬಳಸುತ್ತಾರೆ ಎಂದು ಹಿರಿಯ ವಕೀಲರು ಹೇಳುತ್ತಾರೆ.
ಹಿಂದೂ ವಿವಾಹ ಕಾಯಿದೆಯ ಸೆಕ್ಷನ್ 311 ರಲ್ಲಿ ಗಂಡ ಮತ್ತು ಹೆಂಡತಿಯ ನಡುವಿನ ಕ್ರೌರ್ಯವನ್ನು ಉಲ್ಲೇಖಿಸಲಾಗಿದೆ. ಮದುವೆಯಲ್ಲಿ ಕ್ರೌರ್ಯವನ್ನು ವ್ಯಾಖ್ಯಾನಿಸುವಾಗ, ಒಬ್ಬರು ಪರಿಸ್ಥಿತಿಯ ಗಂಭೀರತೆ ಮತ್ತು ಆರೋಪಗಳನ್ನು ಪರಿಗಣಿಸಬೇಕು. ಅವರು ಕ್ರೌರ್ಯದ ಪ್ರಕಾರವನ್ನು ಪರಿಗಣಿಸಬೇಕು ಮತ್ತು ಆ ಕ್ರೌರ್ಯ ಎಷ್ಟು ಬಾರಿ ಬಾಳಸಂಗಾತಿಯ ವಿರುದ್ಧ ನಡೆದಿದೆ ಎಂಬುದನ್ನು ಪರಿಗಣಿಸಬೇಕು ಎಂಬುದು ಮುಖ್ಯ ಎನ್ನುತ್ತಾರೆ ಕಾನೂನು ತಜ್ಞರು.